ARTE ESZENIKOEN TAILERRA
GASTEIZKO ARTE ESZENIKOEN TAILERRA aitzindaria da Euskadin antzerkigintza irakasten.
Gure lana izaten da antzezleak trebatzea, ikusleak sorraraztea, eta haurren eta gazteen antzerkia lantzea. Beti arte eszenikoak hartuz gizartean eragiteko duten ahalmenaren ikuspegitik. AETren irakaspenaren xedea da jakintza psikologiko, fisiko eta tekniko guztiak eskuratzea, zeinek bere proposamen artistikoak landu ahal izan ditzan. Helburua da ikaslea gai izatea bere sormen guztia garatu eta gauzatzeko.
1977an abiatu zen, eta, geroztik, haziz joan da, bere didaktikari erantsiz antzerkigintzaren egungo eta etorkizuneko gai eta espezialitateak. 1986az gero ari da lanean egungo izenarekin eta curriculumarekin.
Zuzendaritza eta kudeaketa PORPOL TEATROren gain utzia dago 1986az geroztik, eta urtero-urtero berritzen da mandatu hori.
Porpol Teatro antzerki konpainia 1984an sortu zen, eta, geroztik, AETren programa didaktikoa garatzeaz gain, oso proiektu ezberdinei ekin izan die, betiere arte eszenikoen inguruan: 20 ikuskizun profesional baino gehiago, gehienak gidoi originalekin.
Produkzio propioaren eremuan, Porpolek baditu hogei ikuskizun profesional, gehienak gidoi originalekikoak, eta, 1994az geroztik, behin ere huts egin gabe, Araiako Umorezko Antzerki Jaialdia antolatzen du, ohiko ekitaldia abuztuko agenda eszenikoan. Topaketa horren arrakastak eraginda, 2002az geroztik, Araiako “oholtzak” hedatu egin dira Arabako lurralde historikoko Herriz herriko Antzerki Jaialdira, eta, udako kultur lehorte ohikoaren garaian, hogei bat herrietara hurbiltzen ditu arte eszenikoen ikuskizunak.
Gainera, hamarraldi batez (2000-2010), Porpolek koordinatu eta kudeatu zuen halaber Aguraingo HARRESI ARETOaren programazio eszenikoa.
Porpol Teatro enpresa bat da, bere gizarte inguruari eta inguru profesionalari emana erabat: Eskena elkarteko kidea da (Eskena, Euskadiko antzerki produkzioko enpresen elkartea); engaiaturik dago Gasteizko Zaramaga auzoarekin; era bateko eta besteko GKEekin batera antolatzen ditu produkzioak…Antzerkia ezin ulertuzkoa zaigu pertsonak gabe.